रुग्णसंख्या वाढत राहिल्यास लॉकडाउन; पालकमंत्र्यांचं विधान

कोरोनाबाधितांची संख्या वाढत आहे. मुंबईतील कोरोनाची स्थिती अशीच कायम राहिली आणि लोक सूचनांचे पालन करत नसतील तर पुन्हा एकदा लाॅकडाऊन करण्याशिवाय पर्याय राहणार नाही, तसेच मुंबईत सध्या ४ हजार बेड रिकामी अशी माहीती वस्त्रोद्योग आणि मुंबईचे पालकमंत्री अस्लम शेख यांनी दिली.

लोकांना आता स्वतःची आणि आपल्या कुटुंबीयांची काळजी घ्यायला हवी. रुग्णांची संख्या वाढत असल्याने नागरिकांनी सतर्क राहण्याची आवश्यकता आहे. सरकारने कठोर पावले उचलण्यास सुरुवात केली आहे. जे पर्याय सरकारतर्फे राबवता येतील ते राबविले जात आहेत. पण, आता लाॅकडाऊन नको असेल तर लोकांनी नियमांचे पालन करायला हवे. स्वतःची, घरच्यांची, समाजाची काळजी घ्यायला हवी, असे शेख म्हणाले. ७० टक्क्यांपेक्षा जास्त रुग्ण इमारती परिसरात आहेत.